Auto & Moto

Në këtë vend asnjë makinë nuk mund të lëvizë më shumë se 30 km/h!

Grenoble, një qytet në Francën jugperëndimore, ka marrë titullin e kryeqytetit të gjelbër evropian për vitin 2022. Grenoble ka zbatuar politika urbane që synojnë reduktimin e ndotjes dhe humbjes së biodiversitetit, për shembull duke kufizuar shpejtësinë në 30 km/h në të gjithë qytetin, duke e bërë atë zonën më të madhe me emetim të ulët në Francë.

Titulli i “qytetit të gjelbër evropian” angazhon Grenoble për përhapjen dhe zbatimin e praktikave të mira tashmë të filluara. Titulli i dhënë në Grenoble përkon me presidencën franceze të Këshillit Evropian, prioritetet e të cilit përfshijnë zbatimin e Marrëveshjes së Gjelbër Evropiane, për promovimin e ndotjes zero, neutralitetin klimatik dhe forcimin e mbrojtjes së biodiversitetit.

Edhe në Itali shumë qytete kanë vendosur ose janë gati të vendosin kufizime të shpejtësisë në 30 km/h në shumicën e rrugëve të tyre. Bolonja e ka bërë që nga qershori. Kufiri prej 50 kilometrash në orë mbetet vetëm për autostradat. Edhe qendrat më të vogla si Reggio Emilia, Cesena dhe Olbia tashmë e kanë vendosur në fuqi. Torino ka miratuar gjithashtu një rezolutë të ngjashme dhe tani Këshilli Bashkiak i Milanos ka miratuar një agjendë që fton kryetarin e bashkisë dhe këshillin të miratojë ‘Milan City 30’, duke vendosur kufirin e shpejtësisë në zonat urbane në 30 kilometra në orë duke filluar nga 1 janari 2024.