Politikë

Nënshkruhet memorandumi i bashkëpunimit për Korridorin 8, Balluku: Do t’i shërbejë gjithë Ballkanit Perëndimor, reagon edhe Balla.

Këtë të martë është nënshkruar memorandumi tre palësh mes Shqipërisë, Bullgarisë dhe Maqedonisë së Veriut sa i takon Korridorit 8.

Ky është një hap i rëndësishëm bashkëpunimi mes tri vendeve, për një ndër projektet më të rëndësishme për zhvillimin e Ballkanit Perëndimor

Ministrja e Infrastrukturës Belinda Balluku  në fjalën e saj ka theksuar se ky memorandum është një lajm i mirë për të gjithë vendet e rajonit dhe jo vetëm për  ne të tre që jemi pjesëmarrës.

Sipas saj e rëndësishme është bashkëpunimi trepalësh si një mënyrë për të ndikuar në investimet financiare evropiane në mbështetje të këtyre projekteve.

Nënshkrimi i memorandumit në Sofje për për transportin e qëndrueshëm në korridorin e 8 është një hap i rëndësishëm bashkëpunimi mes Maqedonisë së Veriut, Shqipërisë dhe Bullgarisë. Prej kohësh ne kemi punuar për të plotësuar të gjithë komponentët e këtij korridori si një nga korridoret më të rëndësishme për zhvillimin e Ballkanit Perëndimor. Tashmë me të gjithë projektet që kemi nisur si në fushën e hekurudhave dhe në atë të rrugëve por pa dyshim dhe porti i ri i Durrësit, projekti që përfshin këto tre vende do të ndihmojë në hapat e së ardhmes. Sa i përket këtij takimi kemi diskutuar për të ardhmen dhe kemi rënë dakord se një agjendë e përbashkët për promovimin e korridorit të tetë si një agjendë e rëndësishme e zhvillimit ekonomik jo vetëm për vende tona por dhe vendeve tjera është një domosdoshmëri. Kemi dakordësuar sesi sëbashku mund të ndikojmë në institucionet financiare për mbështetjen e projekteve sidomos atë të hekurudhave si një mënyrat e transportit më eficente. Ne do të kemi një tjetër takim në Maqedoninë e Veriut dhe më pas në Tiranë për të vijuar më tej me hapat e këtij projekti, ka thënë ajo.

Memorandumi për Korridorin 8, reagon Balla.

Kreu i Grupit Parlamentar të PS-së, Taulant Balla ka përshëndetur nënshkrimin e memorandumit tre palësh mes Shqipërisë, Bullgarisë dhe Maqedonisë së Veriut sa i takon Korridorit 8.

Përmes një postimi në rrjetin social “Facebook”, Balla deklaron se Nënshkrimi i këtij memorandumi është një hap i rëndësishëm i bashkëpunimit mes tri vendeve, për një ndër projektet më të rëndësishme për zhvillimin e Ballkanit Perëndimor.

Postimi i plotë i Taulant Ballës:

Përshëndes nënshkrimin e memorandumit tre palësh mes Shqipërisë, Bullgarisë dhe Maqedonisë së Veriut sa i takon Korridorit 8🤝🛣🚦

-Një hap i rëndësishëm i bashkëpunimit mes tri vendeve, për një ndër projektet më të rëndësishme për zhvillimin e Ballkanit Perëndimor🇦🇱🤝🇧🇬🤝🇲🇰

👉Nga Durrësi-Rrogozhinë-Peqin-Elbasan-Librazhd-Prrenjas, ky korridor është dhe mbetet shumë i rëndësishëm për Shqipërinë.

#ShqipëriaeArdhmjaJonë🇦🇱⭐

#SkaKohëPërPushim🏃‍♀️ 🏃🏻‍♂️