Një rrugë e lashtë për tregtarët, lugina e bukur e Rhone është shtëpia e vreshtave të panumërta dhe pemishteve të gjalla dhe janë prodhimet, ushqimi dhe vera që e kanë bërë rajonin një nga destinacionet më të mira të ushqimit të Evropës. Në këtë lundrim luksoz gjithëpërfshirës tetë-ditor në lumin Rhone, do t’ju bashkohet francezi Raymond Blanc, një nga shefat e kuzhinës moderne britanike.
Restoranti i tij Manoir aux Quat’Saisons ka krijuar disa nga kuzhinierët më të talentuar të Britanisë, duke përfshirë Marco Pierre White, Sat Bains, Heston Blumenthal dhe Michael Caines – por pasioni i Raymond për ushqimin i ka rrënjët në Francë. Në lidhje me këtë ai shprehet se:
Shumica e jetës franceze sillet rreth orëve të vakteve dhe familja ime nuk ishte përjashtim. Për nënën time, gatimi ishte dashurie më vete. Në moshë të re më mësuan të dua dhe respektoj ushqimin, për bukurinë, freskinë dhe gjithashtu çmimin e tij. Kjo filozofi e thjeshtë ka pasur një ndikim të fortë në karrierën time si kuzhinier.
Udhëtimi juaj fillon në Lion dhe ju do të ecni rrugës përgjatë Rhone, duke ndaluar në Macon, Vienne, Avignon, Viviers dhe Tarascon për të eksploruar këto destinacione unike dhe për të shijuar ushqimet më të mira të rajonit. Do të vizitoni monumentet romake, do të vizitoni vreshtat dhe do të shijoni ushqim dhe verë gjithëpërfshirëse në restorantet përrallore të anijes.
Por cilat janë arsyet që ju bindin ju me patjetër për ta vizituar këtë vend?
Lugina e Rhone është xhevahiri në kurorën e kuzhinës franceze, do të keni mundësi të pafundme për të provuar prodhimet e saj, duke përfshirë takimin me qenin e trajnuar posaçërisht të një fermeri vendas që merret me tartuf dhe shijon atë që gjen. Pastaj një tjetër arsye është edhe lundrimi me stil. Scenic Sapphire është një Anije Hapësinore e kompletuar, me ushqim dhe pije gjithëpërfshirëse të përfshira në çmim. Anija juaj luksoze krenohet me një përzgjedhje restorantesh të shijshme, një bar elegant, sallë pritjeje për terapi me kripë dhe ambiente fitnesi, si dhe një shesh dielli me pishinë vitaliteti. Ju do të jeni në gjendje të mësoni receta lokale nga kuzhinierët ekspertë në Scenic Culinaire, shkolla e gatimit në bord.
