“Big Brother VIP” theu çdo rekord shikueshmërie në fare pak kohë. Ky format rezultoi si show më suksesshëm i krijuar ndonjëherë që na ka mbajtur të gjithëve pa përjashtim të gozhduar pas ekranit.
Për të realizuar këtë format është dashur angazhimi i një stafi të stërmadh në mënyrë që “syrit” të vëllait të madh të mos i shpëtonte asnjë lëvizje që ndodhte në atë shtëpi. Një staf i përkushtuar që ka punuar fort dhe me pasion të madh për të krijuar këtë spektakël që pa frikë mund ta quajmë ‘fenomeni “Big Brother VIP”.
Ditën e sotme, një nga producentet e “BBV” dhe njëkohësisht trashëgimtaria e Top Media-s, postoi një seri fotosh dhe videosh në llogarinë e saj në Instagram, duke treguar kështu gjithë rrugëtimin e palodhur për krijimin e diçkaje kaq të suksesshme sa rezultoi të ishte ky format. Lori shkroi bashkëngjitur postimit:
Nëse të ofrojnë të hipësh në një anije kozmike, mos pyet se në cilën karrige do të ulesh, thjesht hip! Jam mirënjohëse që isha pjesë e këtij rrugëtimi dhe krenare me këdo që e bëri të mundur gjithë këtë. Drejt gjërave më të mëdha dhe më të mira…
Kur nisi e gjithë ideja e këtij formati, një risi për vendin tonë, askush nuk e kishte parashikuar gjithë suksesin e padiskutueshëm që mori dita-ditës. Një dëshirë dhe ide e përbashkët e Lorit, Sarës, Arbanës dhe të gjithë produksionit e grupit të punës, bënë që “Big Brother VIP” të tejkalonte çdo pritshmëri. Së bashku me konkurrentët e këtij edicioni, ky ekip gjigand do të kujtoet gjithmonë për barrierat që theu.
Ky edicion do të mbahet mend nga të gjithë shqiptarët. Me të vërtetë ishte edicioni i parë por ai i ka mbajtur të gozhuar para ekranit çdo të martë dhe të premte të gjithë. Do të mbeten gjatë në memorien e kujtdo shumë nga momentet e paharrueshme të këtij “Big Brother”-i. Pavarësisht gjithçkaje neve na mbetet të presim për edicionin e dytë të tij.
