Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Aktualitet

Nesër nis mësimi plotësues në shkolla!

Ministrja e Arsimit, Evis Kushi një ditë para nisjes së mësimit plotësues  ka kryer vizita inspektimi në shkolla të ndryshme të Tiranës për të parë nga afër masat e ndërmarra në prag të nisjes së mësimit plotësues më datë 1 shtator.

Gjatë vizitave në shkolla, Kushi ka përsëritur apelin ndaj të gjithë arsimtarëve të pavaksinuar deri më tani, për t’iu bashkuar fushatës së vaksinimit, në mënyrë që shkollat të kalojnë një vit sa më të mbarë dhe të sigurt shkollor.

Kushi është shprehur e kënaqur që pjesa më e madhe e mësuesve në të gjithë Shqipërinë tashmë janë vaksinuar me të dyja dozat, gjë që siguron qetësi dhe siguri në rifillimin e mësimit në kushte normale.

Deri tani janë inspektuar disa nga shkollat më të mëdha, ndërkohë që edhe në vijim këto inspektime do të vazhdojnë për të parë nga afër ambientet shkollore, kushtet higjieno-sanitare, si dhe masat e nevojshme për mbrojtjen nga virusi COVID-19.