Seriali dramatik i krimit i vlerësuar nga kritika “La Casa De Papel”, vazhdon të jetë një fenomen kulturor global, duke thyer barrierat gjuhësore dhe duke u bërë një sindikatë e suksesshme në shumë vende dhe duke prodhuar episode speciale dhe dokumentarë. Tani, platforma globale e argëtimit Netflix, e cila ka fituar të drejtat e transmetimit të serialit, ka konfirmuar të publikojë përshtatjen koreane të hitit global “La Casa de Papel – Money Heist: Korea – Zonë e Përbashkët Ekonomike”.
Një trailer i veçantë u publikua së bashku me njoftimin emocionues, duke sjellë zhurmë tek publiku. Traileri fillon me Profesorin, portretizuar nga Yoo Ji-tae, që planifikon një grabitje. Ai qëndron përpara një muri me disa maska tradicionale koreane dhe maskën ikonike të origjinalit spanjoll të Salvador Dali. Ai shtrin dorën për të zgjedhur njërën dhe kamera lëviz përpara kështu shikuesit nuk mund të shohin se cilën zgjedh.
Kamera më pas kalon për të zbuluar Seon Woojin (portretizuar nga Kim Yunjin), kreu i ekipit të negociatave. Traileri përfundon me zbulimin e secilit anëtar të grabitjes dhe emrat e tyre të koduar.
“Money Heist: Korea – Zonë e Përbashkët Ekonomike” rrëfen një strateg gjenial dhe ekipin e tij të talentuar, i përbërë nga hajdutë të klasit të lartë, duke u përpjekur të kryejnë një grabitje të paprecedentë në Gadishullin Korean. Historia portretizon kthesa të papritura ndërsa ekipi vë në skenë një peng ndërsa përballet me sfida të pashpjegueshme. Të gjithë sytë janë të përqendruar në sfondin dhe përkufizimin pas titullit “Zonë e Përbashkët Ekonomike”.
Netlflix ka bërë të ditur së fundmi se gjatë vitit 2023 do të realizohet një serial për njërin prej aktorëve më të preferuar të serialit “La Casa de Papel”, Berlinin. Drama e re, e quajtur “Berlin: A New Series” do të fokusohet në personazhin e Berlinit, të luajtur nga Pedro Alonso. Personazhi u vra në sezonin e dytë, por u rikthye në episodet pasuese me kujtime të ndryshme. Në një intervistë për NME, Alonso u shpreh shumë i lumtur mbi faktin se ka shumë njerëz nëpër botë që e konsiderojnë atë favorit të këtij seriali.
