Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Aktualitet

Nga sot, asnjë kufizim udhëtimi për shqiptarët drejt Gjermanisë!

Gjermania heq kufizimet e udhëtimeve hyrëse nga Shqipëria.

Qeveria Federale ka hequr të gjitha kufizimet e udhëtimeve hyrëse për personat rezidentë në Shqipëri me efekt që nga dita e diel, 20 qershor, ora 0:00 CET. Udhëtimi për në Gjermani i personave rezidentë në Shqipëri, lejohet përsëri për të gjitha qëllimet e udhëtimit.

Për udhëtimet hyrëse me rrugë ajrore është e domosdoshme një dëshmi e testit ose një dokument që provon shërimin apo vaksinimin me vaksinat Pfizer&BioNTech, Moderna, AstraZeneca e Johnson&Johnson.

Nisur nga situata epidemiologjike pozitive, prej datës 9 maj, Shqipëria nuk kategorizohet më si zonë rreziku për COVID-19.

Detyrimi i testimit (PCR, 72 orë para fluturimit e antigjenik, 48 orë para fluturimit) vlen vetëm për ata që hyjnë në rrugë ajrore, si dhe hiqet regjistrimi digjital i udhëtimit e detyrimi i karantinës.

Por nuk nevojitet test negativ për udhëtarët e vaksinuar plotësisht me një prej vaksinave Pfizer&BioNTech, Moderna, AstraZeneca e Janssen. Po ashtu për të shëruarit (jo më pak se 28 ditë pas shërimit dhe jo më shumë se 6 muaj pas tejkalimit të infeksionit), të cilët zotërojnë një dokument që provon vaksinimin apo shërimin, i formuluar në gjuhët gjermane, angleze, franceze, italiane apo spanjolle, në versionin hard copy apo digjital.

Përgjithësisht, rregullat e karantinimit në Gjermani vendosen nga landet federale.