Bazuar në një kërkim të kryer së fundmi me 39 mijë të anketuar që luajnë lojëra kompjuterike tregoi se nuk ka pothuajse asnjë provë që koha e kaluar para kompjuterit ndikon në ndjenjat e lumturisë dhe kënaqësisë. Dikujt do t’i duhej të luante 10 orë në ditë më shumë se zakonisht për të vërejtur ndonjë ndryshim, me faktin se atëherë gjendja shpirtërore ndoshta ndikohet më shumë nga vetë arsyeja e qëndrimit të zgjatur në kompjuter, sipas shkencëtarëve.
Këto rezultate janë në kundërshtim me një studim të vitit 2020, i cili tregoi se ata që luanin më gjatë ishin më të lumtur. Psikologu Andrew Przybylski i Institutit të Internetit të Oksfordit, i cili ka punuar në të dyja studimet tha se:
Arsyeja thotë se ju ndoshta jeni një person më i lumtur nëse keni më shumë kohë të lirë për të luajtur video lojëra. Ndryshe nga çfarë mund të mendojmë nëse lojërat janë të mira apo të këqija për ne, studimi i fundit dha prova mjaft bindëse se koha që kaloni duke luajtur lojëra nuk ndikon në ndjenjën tuaj të kënaqësisë. Nëse subjektet luanin sepse donin dhe jo sepse ishin të detyruar, ata zakonisht ndiheshin më mirë.
Studiuesit analizuan të dhënat për një periudhë gjashtë javore të ofruara nga kompanitë e teknologjisë duke përfshirë Sony, Microsoft dhe Nintendo, me pëlqimin e atyre që luajtën: “Animal Crossing: New Horizons”, “Apex Legends”, “Eve Online”, “Forza Horizon 4”, “Gran Turismo Sport” dhe “The Crew 2”.
Gjatë asaj kohe, vetëm një lojtar u largua nga studimi – botuar në revistën Royal Society Open Science. Në Kinë, fëmijët lejohen të luajnë video lojëra vetëm për një orë në ditë të premteve, të shtunave dhe të dielave. Por shumë lojtarë në mbarë botën thonë se ky lloj argëtimi ndihmon shëndetin e tyre mendor. Mike Dailly, i cili krijoi Lemmings dhe Grand Theft Auto, tha se gjërat nuk janë aq të thjeshta.
Nuk jam i sigurt se mund të matet me ndjenjën e kënaqësisë. Si në çdo gjë në jetë, është çështje ekuilibri. Nuk është mirë të kalosh 24 orë në ditë duke luajtur lojëra, por nuk është mirë të hahet apo të ushtrohet 24 orë në një ditë.
Hulumtimi i titulluar koha e shpenzuar duke luajtur video lojëra nuk ka gjasa të ndikojë në mirëqenien u botua në revistën Royal Society Open Science.
