Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Travel

Nilsa Hysi: ‘Ja çfarë bëhet në të vërtetë në Dhërmi’

Me ‘lehtësimin’ e orës policore dhe masave anti-COVID në tërësi, të gjithë po e presim me padurim hapjen zyrtare të sezonit turistik. Sikundër vitin e kaluar edhe këtë vit pandemia na ka bërë që të mos e shijojmë plazhin dhe jugun e Shqipërisë për arsye nga më të ndryshmet, qoftë nga frika e ndonjë infektimi të mundshëm apo edhe arsyet ekonomike.

E teksa COVID-19 ndikoi në ekonominë e turizmit global, shumë shtete duke përfshirë edhe Italinë fqinje, ulën çmimet në bregdet për të tërhequr sa më shumë turistë duke rritur kështu gradualisht ekonominë e tyre. Këtë strategji e ndoqën shumë shtete të cilat krahas uljes së çmimeve kishin oferta fantastike në hotelet më luksoze të tyre, vakte falas madje edhe bileta avioni me çmime super të lira. Rrjedhimisht lind pyetja – Po në Shqipëri çfarë u bë?!

Këtë na bëri ta kuptojmë më mirë Nilsa Hysi, folësja jonë e ‘Merre Me Lëng Show’ e cila ka ikur në jug, përkatësisht në Dhërmi, në prag të hapjes së sezonit turistik, vetëm për t’u zhgënjyer! Nilsa ka postuar një seri videosh në Insta Story ku na tregon mbi situatën e plazheve dhe hoteleve në Dhërmi. Ky i fundit është atraksioni i parë i turistëve vendas, e jo vetëm. Nuk e dimë nëse u shokua vetëm sepse kishte dy vite që nuk i vizitonte këto plazhe apo sepse situata nuk është edhe aq e këndshme.

Me të shkelur në Dhërmi ajo u përball me një rrëmujë të madhe ndërtimesh, kushteve të këqija, pluhurit, zhurmës dhe çmimeve stratosferike. Në videot e saj Nilsa tregoi se si edhe hoteli që ka më pak ‘yje’ ka çmime relativisht të larta dhe një shërbim që lë shumë për të dëshiruar. Pyetja që e mundon është përse askush nuk bën asgjë për ta përmirësuar këtë aspekt të turizmit por pranojnë kushtet të pakuptimta dhe të kripura që u ofrohet. Për më tepër ndiqni videon!