Epo Conor McGregor mesa duket përveçse është një boksier i njohur dhe në pamje të parë është shumë i egër, di që të jetë edhe një baba shumë i përkushtuar. Ditën e djeshme ai së bashku me fëmijët e tij morën pjesë në pagëzimin e djalit të porsalindur Rían, në Vatikan të Romës.
Ylli i ndeshjeve të ‘MMA’-s u fotografua teksa dilte nga makina kapur dorë për dore me dy fëmijët e tij, vajzën e vogël 2-vjeçare Croia dhe djalin dy vite më të madh Conor Jr. Për ta kjo mesa duket ishte një ditë shumë e veçantë.
Ai u shoqërua edhe nga partnerja e tij Dee Devlin. Çifti po planifikojnë të martohen së shpejti. Ata u takuan në një klub nate në Irlandë kur Conor ishte vetëm 19 vjeç. Conor dhe Dee mirëpritën foshnjën Rian në muajin maj dhe boksieri vërtetoi se e donte jetën e tij si babai i tre fëmijëve, ndërkohë që shtynte karrocën e djalit të tij nëpër rrugët e Italisë.
Conor tregoi anën e tij më të butë këtë herë. Boksieri kishte rezervuar të gjithë tarracën e hotelit për darkë dhe një aperitiv para shërbesës speciale të kishës.
Rikujtojmë gjithashtu se ai dhe reperi amerikan Machine Gun Kelly janë grindur fizikisht në tapetin e kuq të “MTV Video Music Awards”. Por më e rëndësishmja është se të pranishmit arritën t’i ndanin nga njëri-tjetri shumë shpejt. Nuk u bë menjëherë e qartë se cila kishte qenë arsyeja e sherrit, por përfaqësuesi i McGregor mohoi që përleshja të kishte ndodhur pavarësisht dëshmive fotografike. Vetë boksieri i famshëm gjithashtu gjatë deklaratës së tij shtoi se:
Asgjë nuk ndodhi me mua, unë luftoj vetëm luftëtarë të vërtetë, njerëz që luftojnë në të vërtetë, ju e dini se çfarë dua të them. Unë me siguri nuk luftoj me reperët e vegjël. Unë as nuk e njoh djalin. Unë nuk di asgjë për të, përveç se ai është me Megan Fox.