Sot në emisionin “Live from Tirana” ishte e ftuar në studio gazetarja dhe një nga autoret e spektaklit që tanimë është kthyer në një fenomen, “BBV”. Ditën e nesërme është finalja e madhe e edicionit të dytë dhe një prej finalistëve të cilët janë Dea, Kristi, Luizi dhe Efi do të rrëmbejë çmimin e madh. Si janë ndjesitë e Kristinës tani që gjithçka po mbaron? Për këtë e shumë të tjera zbuloni më shumë duke klikuar në këtë link.
Disa nga ish-banorët e “BBV” kanë vendosur që të lënë në mes lojën e tyre duke dalë nga shtëpia më e famshme. Si e ka pritur Kristina dhe stafi i saj këtë?
Mendoj se koha e gjatë aty brenda ndikon, nuk kanë mundur ta përballojnë presionin e lojës. Disa banorë që dolën thanë dhe pranuan që nuk ishin lojtarë. Kur futen aty brenda banorët bëjnë takime me psikologët sa herë duan dhe e shohin të arsyeshme dhe në rastet që duan të dalin bëjnë përsëri një takim me psikologun. Nëse banorët vazhdojnë e mendojnë se duhet të dalin, mund të dalin.
Çfarë ka rezervuar për teleshikuesit finalja e madhe e këtij edicioni?
Do të jetë shumë e bukur, e veçantë, ndryshe nga viti i kaluar. Është një finale për të mos u humbur. Kemi një video hapëse me të gjithë banorët, kanë bërë një parodi që të gjithë e kanë pëlqyer, lidhet me autobusin që ka dalë kudo në rrjete sociale. Do të kemi surpriza emocionale për finalistët dhe do të kemi gjithashtu një dasmë mes Kiarës dhe Luizit.
Tabutë që janë thyer në “BBV”?
Është thyer barriera për të mos folur në dialekt, Luizi ka folur gjithmonë në dialektin e tij. Ka bërë shumë mirë, askush nuk duhet të kompleksohet por të shfaqin veten siç janë.
Si e kanë përballuar stafi dhe familjarët komentet dashakeqëse të ndjekësve?
Familjarët e banorëve kanë marrë kërcënime, na kanë marrë në telefon, kanë qenë të shqetësuar nga komentet e ndjekësve jashtë. Mendoj se duhet ta marrin më qetë, fundja është vetëm një lojë.
