Ambasadorja amerikane në vendin tonë, Yuri Kim është takuar me shkrimtarin e njohur Ismail Kadare, duke theksuar se “Identiteti evropian i shqiptarëve” është po aq bindës sot, sa ishte kur u publikua në vitin 2006.
Në një shënim në Twitter, Kim thekson se ndërsa shohim për nga e ardhmja, identiteti evropian i shqiptarëve është më i rëndësishëm se kurrë më parë.
Në fund të shënimit të saj, ambasadorja amerikane në Tiranë ndan për ndjekësit e saj në rrjetin social kënaqësinë që mori në lidhje me diskutimin e kësaj ideje me një nga mendimtarët, sipas asaj, më të mëdhenj në Evropë.
“Eseja e Ismail Kadaresë mbi “Identiteti evropian i shqiptarëve” është po aq bindëse sot sa ishte kur e botoi atë në 2006. Në fakt, ndërsa shikojmë drejt së ardhmes, identiteti evropian i shqiptarëve është më i rëndësishëm se kurrë. Çfarë kënaqësie të kesh këtë diskutim personalisht me një nga mendimtarët më të mëdhenj në Evropë,“ shkruan Kim.
Kadare’s “Identiteti evropian i shqiptarëve” is as compelling today as it was when he published it in 2006. As we look to the future, the European identity of the Albanians is more relevant than ever. Pleasure to have this discussion in person w/one of Europe’s greatest thinkers. pic.twitter.com/STtZZ0CBbY
— Ambassador Yuri Kim (@USAmbAlbania) August 14, 2021
