Tom Holland është një njeri që e mban fjalën e dhënë. Ai i premtoi një djali të vogël që shpëtoi motrën e tij nga një sulm me qen në vitin 2020 se si fansi i ri i Spider-Man mund të vizitonte setin gjatë xhirimeve të “Spider-Man: No Way Home” dhe ai bëri pikërisht këtë gjë.
Bridger Walker ishte vetëm 6 vjeç kur ai u përpoq dhe arriti që të shpëtonte motrën e tij 4-vjeçare. Vëllezërit dhe motrat po luanin jashtë shtëpisë së tyre në Wyoming kur një qen gjerman u sul drejt motrës së Walker dhe ai ndërhyri.
Ai më pas iu nënshtrua një operacioni dy-orësh që kërkoi më shumë se 90 qepje, sipas familjes së tij në një deklaratë për CNN në kohën e incidentit të korrikut 2020. Të famshëm si Anne Hathaway, Chris Evans, Mark Ruffalo dhe Holland dërguan mesazhe në rrjetet sociale, media dhe privatisht Walker, duke e lavdëruar për guximin e tij.
Holland ishte ai që e ftoi vogëlushin që të vizitonte setin gjatë xhirimeve të “Spider-Man: No Way Home”. Babai i Walker ndau disa imazhe dhe një video nga vizita e vendosur. Në një postim, Walker shihet duke bërë edhe disa shenja me Holland, i cili është i veshur me kostumin e tij Spider-Man.
