Komediania e njohur Tiffany Haddish së fundmi ka treguar për revistën ‘Byrdie’ se të rruante flokët e bëri të ndihej më e gjallë.
Ndjesitë më të thella që kam ndjerë ndonjëherë. U ndjeva më gjallë se kurrë.
Edhe pse flokët e saj janë rritur përsëri dhe tani janë lyer bionde, aktorja 42-vjeçare tha se vendimi për të prerë flokët e saj në Instagram dy vjet më parë i ndryshoi jetën.
Është me të vërtetë e rëndësishme të dish se kush je, të njohësh çdo cep dhe të çarë të trupit tënd dhe kjo është një pjesë e trupit tim që nuk e njihja.
Haddish bëri ndryshimin e madh në një seri videosh në Instagram në korrik 2020.
Shiu ndihej si një miliardë puthje nga Zoti. Mund të ndjeja çdo pikë shiu të kalonte në të gjithë trupin tim.
Duke përshkruar ditët e para pa flokë si “ndjesia më e mirë në gjithë jetën”, Haddish tha:
Kur prekni pjesën e pasme të kokës, e ndjeni atë. Pastaj dilni jashtë, dielli po shkëlqen dhe ndihet si një përqafim i ngrohtë rreth kokës, thjesht mrekulli.
Aktorja shtoi se këto ndjesi e bënë të ndihej xheloze për çdo burrë pa flokë që kishte parë. Sjellim në vëmendje se në edicionin e 94-rt të çmimeve Oscar 2022, aktorja e njohur e komedisë u prezantua me një fustan elegant si në tapetin e kuq, ashtu edhe në ‘after party’-n e organizuar nga “Vanity Fair”. Haddish është veshur nga stilisti i njohur shqiptar me famë ndërkombëtare Valdrin Sahiti.
Rikujtojmë, se Haddish ka reaguar së fundmi edhe ndaj veprimit të Will Smith, i cili goditi Chris Rock në ceremoninë e 94-të të ndarjes së çmimeve të Akademisë. Haddish e quajti momentin e shumëpërfolur si një veprim të bukur ku një burrë i del në mbrojtje partneres së tij.
