Hulumtimet nga Instituti Karolinska dhe Universiteti i Stokholmit kanë treguar se njerëzit e gjatë kanë një rrezik më të lartë për t’u prekur nga kanceri. Në studim morën pjesë 5.5 milionë burra dhe gra, të lindur midis 1938 dhe 1991 dhe që ishin deri në 2.25 centimetra të gjatë. Shkencëtarët ndoqën një grup individësh deri në fund të vitit 2011 dhe zbuluan se për çdo 10 centimetra gjatësi, rreziku i zhvillimit të kancerit rritet me 18% te gratë dhe 11% te meshkujt.
Sipas EurekAlert, gratë më të gjata kishin një rrezik 20% më të lartë për t’u prekur nga kanceri i gjirit, ndërsa rreziku i zhvillimit të melanomës u rrit me afërsisht 30% për 10 centimetra lartësi, si te burrat ashtu edhe te gratë. Individët më të gjatë kanë një rrezik më të lartë të zhvillimit të llojeve të ndryshme të kancerit, duke përfshirë kancerin e gjirit dhe melanomën. Megjithatë, kjo lidhje nuk është studiuar kurrë më parë te burrat dhe gratë në një masë kaq të madhe.
Doktoresha Emily Benji, e cila drejtoi studimin tha se:
Mesa dimë, ky është studimi më i madh deri më sot mbi marrëdhënien midis gjatësisë dhe kancerit që përfshin si meshkujt ashtu edhe gratë. Duhet theksuar se rezultatet tona pasqyrojnë incidencën e kancerit në nivel popullsie. Duke qenë se shkaku i kancerit është multifaktor, është e vështirë të parashikohet se çfarë ndikimi kanë rezultatet tona në rrezikun e kancerit në nivel individual.
Një grup shkencëtarësh tani po planifikojnë të hetojnë se si vdekshmëria nga kanceri dhe shkaqet e tjera të vdekjes në të vërtetë lidhet me gjatësinë e njerëzve. Benji shtoi se:
Studimet tona tregojnë se individët më të gjatë kanë më shumë gjasa të zhvillojnë kancer, por ende nuk është e qartë nëse ata gjithashtu kanë një rrezik më të lartë për të vdekur nga kanceri.
