SAIC Maxus Life Home V90 Villa Edition është e para që vjen me një ‘ballkon’, dhe nëse kjo nuk është mjaft e veçantë, ekziston edhe një ashensor për të hyrë në këtë zonë. Duke hyrë brenda, Maxus Life Home V90 Villa Edition ka dritare të mëdha në secilën anë, dhe këto pjesë rrëshqasin jashtë për të krijuar hapësirë jetese 20 metra katrorë.
Në fotot e botuara nga mediat e huaja, kompania tregon brendësinë me mobilje moderne dhe një gamë ngjyrash neutrale. Kuzhina përfshin një tryezë gatimi, një furrë, frigorifer dhe lavaman. Në pjesën e pasme, ka një banjo me dush.
Kur zgjatet, zona e sipërme është e ajrosur dhe duket ideale për të shijuar pamjen. Ka hapësirë 12,4 metra katrorë. Tenda mbi krye është ndriçuar kështu që relaksimi mund të zgjasë edhe gjatë natës. Çmimi për Maxus Villa Edition fillon nga 413 mijë dollarë.
