Kendall Jenner u sigurua që të gjithë sytë do të ishin tek ajo në dasmën e shoqes së saj të enjten, teksa ajo mbante veshur një fustan të zi tepër zbulues. Supermodelja 26-vjeçare u shfaq mjaft tërheqëse teksa u vesh me një fustan për dasmën e shoqes së saj Lauren Perez.
Veshja përbëhej nga disa prerje përgjatë trupit që siguronte që trupi i saj të shfaqej. Vajza e kopertinës së Vogue, më herët gjatë natës, u bashkua me shoqet e saj, modelet Hailey Bieber dhe Bella Hadid, ndërsa të gjitha shkëlqenin për natën e shoqes së tyre. Pasi shijuan ceremoninë, vajzat bënë disa selfie në pasqyrë, duke e ndarë momentin e në Instagramin e Kendall.
Hailey magjepsi me një veshje që shfaqte dekoltenë dhe ngjitej pas formave të saj. Krah tyre ishte Bella, e cila u shfaq me një veshje blu dhe të bardhë. Bashkë me to, ishte edhe shoqja e tyre Jesse Jo Stark.
Pavarësisht se janë të dashurura dhe të përfshira në lidhje të gjata, katër bukuroshet dukej se nuk ishin të shoqëruara. Hailey ka qenë e martuar me yllin e popit Justin Bieber që nga dasma e tyre në gjykatë në shtator të vitit 2018.
Kendall është e lidhur me yllin e NBA, Devin Booker që nga pranvera e vitit 2020. Ndërkohë, Bella ishte në lidhje me Marc Kalman për më shumë se një vit përpara se të dilte publikisht me të gjatë verës. Jesse Jo është në lidhje me këngëtaren Yungblud.
