Në Afganistan, muzika do të ndalohet përsëri. Ky njoftim u bë nga zëdhënësi i talebanëve, Zabihullah Mujahid.
Muzika është e ndaluar në Islam, por ne shpresojmë që të jemi në gjendje t’i bindim njerëzit të mos i bëjnë këto gjëra, në vend që të ushtrojmë presion.
Nën sundimin taleban në vitet 1990, muzika, televizioni dhe kinemaja ishin të ndaluara dhe shikimi i tyre përfshinte ndëshkime të rënda. Në kthesën e mijëvjeçarëve, kontrolli fondamentalist kishte çuar në ndalimin e revistave të modës, alkoolit dhe kozmetikës.
Lojërat gjithashtu përfunduan në listën e zezë: bilardo, letra dhe shah, në të cilat pengjet e mbretërve dhe mbretëreshave do të kishin “tronditur” shumë studentët e disiplinuar të Kuranit. Po ashtu u ndalua edhe importi i CD-ve dhe kasetave video, antenave satelitore, fishekzjarreve dhe materialeve pornografike.
Në vitin 2019, një grua u fshikullua nga disa burra pasi u kap duke dëgjuar muzikë. Në rastet më të këqija të shkeljeve të sheriatit, gratë gjithashtu vuajnë prerjen e kokës. Që në deklaratat e para pas marrjes së pushtetit, talebanët kanë deklaruar se gratë afgane nuk do të detyrohen, si në të kaluarën, të mbulojnë fytyrat e tyre dhe të qëndrojnë të mbyllura në shtëpi.
Ato do të mund të shkojnë në shkollë ose zyrë pa një “mahram”, një mashkull ose kujdestar. Rikujtojmë, se Presidenti amerikan i SHBA-ve, Joe Biden është zotuar se Shtetet e Bashkuara do t’i gjejnë autorët e sulmeve kamikaze dhe personat e tjerë përgjegjës për ato sulme vdekjeprurëse, jashtë aeroportit të Kabulit, ku mijëra njerëz ishin mbledhur me shpresën për të ikur nga vendi i kontrolluar nga talebanët.
