Bota

OBSH paralajmëron kundër nënvlerësimit të pandemisë koronavirus!

Shefi i Organizatës Botërore të Shëndetësisë (OBSH) paralajmëron vendet që të mos e nënvlerësojnë pandeminë COVID-19/ën, duke theksuar se “rreziqet e varianteve të reja të koronavirusit, mbeten reale”. Kreu i OBSH-së, Tedros Adhanom Ghebreyesus:

Megjithëse numri i rasteve dhe vdekjeve të raportuara me COVID-19 është ulur me 90% nga kulmi i muajit janar dhe kufizimet janë hequr në shumë vende, perceptimi se pandemia ka mbaruar është mashtrim.

Në një takim të ministrave të Shëndetësisë të G20-s në Indonezi, Ghebreyesus shtoi:

OBSH mbetet shumë e shqetësuar se mungesa e testeve dhe sekuencave po na bën të verbër ndaj evolucionit të virusit. Ne jemi po aq të shqetësuar që mësimet e kësaj pandemie nuk po mësohen dhe se cikli i panikut dhe braktisjes do të përsëritet.

Ministrat e Shëndetësisë të G20-ës pritet të diskutojnë mënyrat për forcimin e sistemeve globale shëndetësore, harmonizimin e protokolleve shëndetësore COVID-19 dhe standardizimin e dokumenteve ndërkombëtare të udhëtimit.

Në vendin tonë, ditët e fundit po vihet re shtim i numrit të të infektuarve dhe në njoftimin e djeshëm, Ministria e Shëndetësisë theksoi:

Raporti i Ministrisë së Shëndetësisë:

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Çdo qytetar mbi 12 vjeç, mund të vaksinohet në qendrat shëndetësore.

MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese. Qytetarët mbi 60 vjeç dhe ata me imunitet të dobët, që kanë kaluar 4-6 muaj nga kryerja e dozës së tretë, mund të marrin dozën e katërt të vaksinës anti-Covid, sipas rekomandimit të mjekut të familjes.

Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127. Ju informojmë për situatën në 24 orët e fundit, si vijon: Janë kryer 595 testime, nga të cilat kanë rezultuar pozitivë me COVID19, 139 qytetarë, në këto bashki:

97 në Tiranë, 12 në Fier, 10 në Lushnje, nga 5 qytetarë në Divjakë, Vlorë, 4 në Sarandë, nga 1 qytetar në Shkodër, Lezhë, Krujë, Kavajë, Himarë, Delvinë.

Janë 791 qytetarë aktivë me Covid19 në gjithë vendin. Aktualisht në spitalin COVID3 po marrin trajtim 8 pacientë. Në 24 orët e fundit nuk ka asnjë humbje jete me Sars-Cov2.

Janë shëruar 26 qytetarë gjatë 24 orëve të fundit, duke e çuar numrin e të shëruarve në 273,095 që nga fillimi i epidemisë.

Statistika (19 Qershor 2022)

Raste të reja ditore 139
Të shëruar në 24 orë 26
Të shtruar në spitale 8
Humbje jete në 24 orë 0
Testime ditore 595
Testime totale 1,838,305
Raste pozitive 277,409
Raste të shëruara 273,121
Raste Aktive 791
Humbje jete 3,497

Shpërndarja gjeografike e rasteve aktive sipas qarqeve:

Tiranë 587
Fier 64
Vlorë 55
Lezhë 25
Durrës 21
Gjirokastër 10
Korçë 9
Berat 7
Shkodër 6
Elbasan 4
Dibër 2
Kukës 1