Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Opinionisti del krah Sindit dhe kritikon publikisht Arjan Konomin: “Bishti qenit, bisht qeni mbetet sado ta zbukurojnë”

Që prej hyrjes së violinistes Sindi Loci në “Për’puthen”, shpeshherë ajo është bërë epiqendra e debateve dhe sulmeve nga konkurrentët e tjerë si edhe nga oponionisti Arjan Konomi. Për të mbrojtur veten, e herë nga kokfortësia apo lëndimi gjatë një debati, edhe Sindi ka përdorur tone të ashpra kundrejt protagonistëve të këtij debati.

Ditën e kaluar në “Për’puthen” si rrallëherë Arjan Konomi u ul përballë Sindit për një ‘sqarim’ 4 minutësh mbi mënyrën se si janë përçuar opinionet e tij për Sindin tek konkurrentët e tjerë dhe tek publiku. Sipas saj, fjalët që Konomi ka përdorur në komentet e tij kanë ndikuar negativisht tek të gjithë duke e shndërruar Sindin në një personazh negativ. Duket se ajo është një personazh që sulmohet nga të gjithë dhe i përgjigjet të gjithëve me kundërsulme për të mbrojtur veten e saj. Në sytë e publikut, Sindi shfaqet si një vajzë negative, e cila përdor tone të ashpra në debate dhe që shpeshherë ofendon të tjerët.

Megjithatë, ka edhe shumë njerëz të cilët i kanë dalë në mbrojtje duke theksuar se në fakt, bukuroshes po i bëhet një padrejtësi e madhe dhe shumë gjëra nuk po shfaqen në ekran. I këtij mendimi është edhe Meridian Ramçaj, një opinionist i këtij spektakli që gjithmonë duket se di më shumë sesa çfarë na shfaqet përmes ekranit.

Pak momente më parë, me anë të një postimi në Insta Story, Meridiani i doli në mbrojtje Sindit duke i kërkuar produksionit të transmetojë debatin e plotë që ajo pati me Arjan Konomin pasi aty fshihet një e vërtetë tjerër.

E dashur Sindi! Më vjen keq për ty që ofendimet karshi personit tënd jo vetëm nuk paskan fund por rridhkan fort si një ujvarë e egër. Mllefe të mëdha duhet të jenë akumuluar, por a ka mllef që e justifikon fjalën ‘rrugaçe’, ndaj një vajze të re 22-vjeçare?! Shpesh je gjykuar se ngre tonin, nervozohesh, ofendon, por askush nuk pyeti rrjedhojë e kujt vijnë këto reagime të tuat? Si natyrë kurioze që jam, do të doja të dija cilat janë ato vajza, gra, motra, nëna që e presin fjalën ‘rrugaçe’ nga të tjerët me qetësi dhe pa u mërzitur, qarë e nervozuar? Të dalin hapur se qenkan o shenjtore o do i shpallim heroina ose ka diçka që nuk shkon me to! Përpara se ta gjykoni dikë, kërkoni të shihni të vërtetën dhe jo metrazhe filmi të këputura! Uroj që e vërteta të transmetohet për ty Sindi, pasi rasti yt sinqerisht po më duket i patolerueshëm dhe antisocial.