Gjeli i detit është një ushqim që na ka shoqëruar gjithmonë në tavolinat tona. Gjelat e detit janë ngrënë për festa për qindra vjet. Por nuk është vetëm gjeli i detit ai që ka kaq shumë rëndësi në tryezat festive. Në fakt, ka ushqime që janë simbol i fatit të mirë dhe për këtë arsye duhen konsumuar. Nëse doni begati dhe fat për Vitin e Ri, duhet ta nisni nga fillimisht nga tavolina.
Zbulojini më poshtë se çfarë ushqimesh duhet të konsumoni:
1.Frutat e thata
Është një traditë fatsjellëse sidomos e Francës, ku në natën e ndërrimit të viteve duhen ngrënë 13 lloje të ndryshme frutash të thata.
2.Thjerrëza
Thjerrëzat simbolizojnë paratë! E kush nuk do të donte të kishte më shumë para vitin që vjen! Pjata me thjerrëza përdoret si fatsjellëse kryesisht në traditën italiane madje kjo traditë daton që në kohën e romakëve.
3.Orizi
Mund të jetë edhe prej emrit që evokon gëzim e të qeshura, por orizi është konsideruar gjithmonë si fatsjellës. Jo më kot është përdorur si urim në martesa. Orizi më fatsjellës është ai i shoqëruar me shegë.
4.Mishi i derrit
Tingëllon çuditshëm, por për disa kultura mishi i derrit simbolizon prosperitet. Veçanërisht fatsjellëse konsiderohet hunda e derrit, e cila nuk duhet t’i mungojë tavolinës suaj. Ajo simbolizon progresin. Mishin e derrit mund ta konsumoni në të gjitha format e tij, si proshutë, pançetë, rosto etj.
5.Speci djegës
Në fakt, speci djegës është në krye të listës së ushqimeve fatsjellëse. Për pjesën më të madhe të popujve, speci përdorej si urim për pjellorinë, jo vetëm në familje, por edhe në agrikulturë.
6.Lakra jeshile
Përveçse është produkt i stinës, lakra jeshile është edhe fatsjellëse. Ngjyra e shpresës e përfshin atë në listën e ushqimeve që duhen futur në pazarin e festave.
7.Shega
Sipas traditës greke, shega konsiderohet si një frut fatsjellës për nisjen e Vitit të Ri. Sipas tyre sa më shumë kokrra të dalin nga përplasja e shegës në derën kryesore të shtëpisë aq më i mbarë dhe fatsjellës do të jetë viti që vjen. Provojeni!
8.Rrushi
Tradita thotë se duhet ngrënë një kokërr rrush për të gjitha trokitjet e fundit të sekondave të orës, në mesnatë, përpara ndërrimit të viteve.
9.Mandarina
Për kinezët është mandarina fatsjellësi më i mirë sepse fal formës së saj sferike i ngjan pafundësisë. Për festa kinezët i dhurojnë njëri-tjetrit mandarina.
10.Bishtajoret
Bashkë me thjerrëzat që simbolizojnë paratë janë edhe qiqrat e fasulet që shkojnë për shëndetin! Bëni një supë me të gjitha bashkë, ku mund të shtoni orizin.
11.Kulaçi me lekë
Natën e Vitit të Ri mirë është të fshihni një monedhë në kulaç. Pjesëtarit të familjes suaj që do t’i bjerë monedha do të ketë një vit të mbarë ose në rastin më të keq një dhëmb të thyer. Kjo traditë vjen nga Greqia e lashtë dhe përdoret shumë edhe në vendin tonë.
