Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Rajon

Pandemia koronavirus, Greqia shtynë izolimin përtej 30 nëntorit

Greqia do ta zgjasë izolimin përtej 30 nëntorit, datë e parashikuar nga qeveria si afat për fundin e masave kufizuese. Ministri i Shëndetësisë, Vassilis Kikilias pohoi se nga të dhënat epidemiologjike, është e qartë se masat e rrepta antiCovid nuk mund të hiqen në fund të muajit. Zyrtari grek nuk dha asnjë garanci as për “shpëtimin” e Krishtlindjes dhe Vitit të Ri, duke mos e përjashtuar mundësinë që periudha festive në vendin fqinj të jetë me qarkullim të kufizuar. Vendi me rreth 11 milionë banorë ka mbi 92 mijë raste të konfirmuara me koronavirus dhe 1 mijë e 714 vdekje.

Ndërkohë Evropa po mundohet të vendos nën kontroll situatën e pandemisë pas shtimit të rasteve gjatë vjeshtës, dhe paralajmërimeve për një dimër të vështirë. Në Gjermani, kryeministrat e landeve ranë dakord të zgjasin kufizimet, që aktualisht janë në fuqi, deri më 20 dhjetor. Ndërkohë, bllokimi i dytë kombëtar i Francës, i vendosur që nga tetori, po ndihmon për të ulur shifrat e të infektuarëve dhe hospitalizimeve.

Pas katër javësh bllokimi të pjesshëm, Britania vendosi që në dhjetor të kufizohet në izolime lokale. Synimi është që në Evropë të lehtësohen masat për Krishtlindje.

Top Albania Radio