Google Chrome po ndryshon logon për herë të parë që nga viti 2014. Nëse vështroni me kujdes mund të jeni në gjendje të shihni se çfarë ka ndryshuar. Elvin Hu, një projektues për Google Chrome, ofron një vështrim të parë në ridizajnimin e logos në një postim në Twitter. Në vend të përfshirjes së hijeve në kufijtë midis çdo ngjyre, në thelb “duke i ngritur” ato nga ekrani, e kuqja, e verdha dhe jeshile janë thjesht të sheshta. Megjithëse nuk përmendet nga Hu, rrethi blu në mes duket se është më i madh.
Some of you might have noticed a new icon in Chrome’s Canary update today. Yes! we’re refreshing Chrome’s brand icons for the first time in 8 years. The new icons will start to appear across your devices soon. pic.twitter.com/aaaRRzFLI1
— Elvin 🌈 (@elvin_not_11) February 4, 2022
Ngjyrat në logo duken më të forta por ka një ndryshim tjetër që nuk do ta vinim re kurrë nëse nuk do të shihnim në postimin e Hu në Twitter. Me sa duket, ekipi i dizajnit të Google zbuloi se “vendosja e nuancave të caktuara të gjelbër dhe të kuqe pranë njëra-tjetrës krijonte një kombinim të pakëndshme ngjyrash”. Për ta rregulluar këtë dhe për ta bërë ikonën “më të aksesueshme”, ata vendosën të përdorin gradientë shumë delikatë për të parandaluar çdo kontrast ngjyrash.
Logoja kryesore e Chrome nuk do të duket e njëjtë në të gjitha sistemet. Në ChromeOS, logoja do të duket më shumëngjyrëshe për të plotësuar ikonat e tjera të sistemit, ndërsa në macOS, logoja do të ketë një hije të vogël. Ndërkohë, versioni i Windows 10 dhe 11 ka një gradient më dramatik në mënyrë që të përshtatet me stilin e ikonave të tjera të Windows. Hu thotë se do të filloni ta shihni ikonën e re tani nëse përdorni Chrome Canary. Nga viti 2008 e deri më tani, logoja e Chrome është bërë gradualisht më e thjeshtë. Ajo që filloi si një emblemë e shndritshme, tridimensionale është shtypur në një simbol 2D të modernitetit.
