Rrjetet sociale duket se nuk janë më aq të qëndrueshme.
Snapchat ka dalë jashtë përdorimit në mbarë botën duke e bërë të pamundur për përdoruesit për të dërguar apo marrë foto.Sipas Downdetector, problemet kanë nisur rreth orës 7 të mëngjesit dhe deri më tani aplikacioni funksionon për disa persona, por të tjerë kanë hasur vështirësi me aksesimin dhe me dërgimin e fotove.
Ndërkohë Snapchat ka njoftuar përdoruesit:
“E dimë që disa prej jush kanë probleme me aplikacionin në këtë moment, mbahuni sepse po punojmë për ta zgjidhur!”. Ashtu si edhe javën e kaluar gjatë mosfunksionimit të Facebook e platformave në pronësi të tij, njerëzit janë drejtuar nga Twitter.
Sipas një eksperti të kibernetikës, rasti nuk ka gjasa të jetë një sulm, por më shumë një problem për kompanitë e mediave sociale që kanë një sistem të centralizuar që e bën më të lehtë shpërndarjen e defekteve të tilla globalisht.
Vetëm para një jave, më 4 Tetor, Facebook pësoi një bllokim që zgjati rreth 7 orë dhe shkaktoi miliarda dollarë humbje për Mark Zuckernberg!