Bota

Pas infektimit të një tjetër punonjësi të stafit të tij, Biden ‘shpëton sërish’, negativ nga COVID-19!

Sot sipas njoftimit të  Shtëpisë së Bardhë , presidenti Biden rezultoi negativ për COVID-19 pasi ra në kontakt të ngushtë me një punonjës të nivelit të mesëm që kontraktoi virusin.

Zoti Biden bëri një test PCR të mërkurën pak përpara një takimi me anëtarët e kabinetit dhe drejtuesit e biznesit për çështjet e zinxhirit të furnizimit.

Në fillim të kësaj jave, Shtëpia e Bardhë tha se zoti Biden kishte qenë në kontakt të ngushtë për rreth 30 minuta me një punonjës të nivelit të mesëm, i cili më pas doli pozitiv për COVID-19, gjatë një fluturimi të 17 dhjetorit në Air Force One nga Karolina e Jugut në Pensilvani.

Punonjësi, i cili ishte plotësisht i vaksinuar dhe përforcuar, doli pozitiv për virusin të hënën, 20 dhjetor, pasi filloi të ndjente simptoma të dielën, tha Shtëpia e Bardhë. Shtëpia e Bardhë nuk e identifikoi personelin.