Së fundmi, supermodelja Emily Ratajkowski me anë të disa postimeve në rrjetin e saj social Instagram na ka mahnitur teksa ka pozuar ‘topless’. 31-vjeçarja dukej si gjithmonë super seksi. Këto imazhe vijnë vetëm pak pasi bukuroshja reagoi ndaj qëndrimit të Sara Foster për skandalin me këngëtarin Adam Levine.
Ratajkowski së fundmi ka bërë kërkesën për divorc nga partneri i saj, Sebastian Bear-McClard, për të cilin dyshohet se e tradhtoi. Të dhënat e reja tregojnë se modelja u paraqit në Gjykatën e Lartë të Manhattanit. Ishte Page Six, që dha lajmin në korrik se çifti po ndahej pas katër vitesh martesë. 31-vjeçarja ndezi thashethemet e ndarjes kur u pa duke ecur me djalin 1-vjeçar të çiftit tashmë të ndarë, Sylvester, pa unazën e martesës në gishtin e saj. Në shtator, Emily konfirmoi se ajo dhe Bear-McClard ishin ndarë përmes një videoje në TikTok ku tha se është beqare.
Rikujtojmë, se Emily u martua me Bear-McClard në New York në vitin 2018 pas vetëm dy javësh lidhjeje. Në mars të vitit 2021, ish-dyshja e njohur u bënë me një djalë. Ndërkaq, thuhet se ylli i Hollywood-it Brad Pitt dhe Ratajkowski po rrëmbejnë vëmendjen e mediave rozë duke lënë pas Bennifer-in. Kudo po përflitet se dyshja janë në një lidhje të fshehtë. Sipas revistës “OK” ky ka qenë një rast i mirë i modeles për të nisur romancën me Pitt-in. Mbetet e gjitha në kornizën e fjalëve, por dyshja formon një çift interesant. Ku ka zë, s’është pa gjë!
