Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities

Pas padisë kundër Kanye West kompania ‘MyChannel’ merr një vendim!

Kanye West ka arritur një marrëveshje për t’i dhënë fund një procesi gjyqësor me një kompani teknologjike e cila e akuzoi atë për vjedhje të ideve të tyre. Reperi 44-vjeçar dhe ‘MyChannel’ ranë dakord me një kusht të përbashkët dhe se të dyja palët do të paguajnë tarifat e tyre ligjore që ju takojnë.

Kompania gjithashtu ka rënë dakord që të hedhë poshtë të gjitha pretendimet kundër këngëtarit, pasi e paditi atë me 20 milion dollarë. ‘MyChannel’ fillimisht e ngriti padinë në muajin gusht të vitit 2020 ku pretendonte se Kanye u tha atyre se admironte mënyrën se si teknologjia e tyre përdorte inteligjencën artificiale për të përfshirë tregtinë elektronike në përmbajtjen e videove dhe planifikoi ta përdorte atë në faqen e tij të internetit ‘Yeezy’.

Firmës ju desh një shumë e madhe parash dhe më shumë se 10.000 orë punë në zhvillimin e një programi për këngëtarin, vetëm që ai të tërhiqej nga marrëveshja pas gjashtë muajsh. Incidenti shkaktoi një përçarje dhe ‘MyChannel’ e akuzoi reperin për vjedhjen e idesë së tyre dhe përdorimin e saj për shfaqjet e tij.

‘MyChannel’ fillimisht bashkëpunoi me artistin fitues të ‘Grammy’ në vitin 2018 në një përpjekje për të rritur shitjet e linjës së tij ‘Yeezy’. Avokatët e kompanisë më parë pohuan se, megjithëse reperi nuk pagoi kurrë për shërbimet, ai premtoi të siguronte një investim prej 10 milion dollarë, i cili kurrë nuk u materializua. Pavarësisht të gjithave duket që tani marrëveshja konfidenciale është arritur.

Kujtojmë se veprimi i fundit i reperit të njohur Kanye West i ka habitur të gjithë. Ai nuk e ndiqte më Kim Kardashian në rrjetin social Instagram dhe ky veprim erdhi thuajse 7 muaj pasi Kim paraqiti kërkesën për divorc. Të njëjtin veprim reperi e bëri edhe në kohën kur përflitej se po shoqërohej me supermodelen Irina Shayk.

Por, sipas disa burimeve nga “DailyMail” Kanye ka filluar ta ndjekë përsëri ish-bashkëshorten e tij, Kim Kardashian, duke shtuar edhe disa persona të tjerë në listën e tij të ‘followers’-ave.