Në qendër të Singaporit, kushdo që kërkon një park të ri për të shëtitur mund të kthejë sytë drejt qiellit. Një e treta e rrugës deri në kullën CapitaSpring, të përfunduar së fundmi, fasada e lartë e xhamit dhe aluminit duket se lulëzon me bimë dhe pemë që rriten qindra metra mbi tokë. Vizitorët dhe punonjësit mund të relaksohen në të ashtuquajturën “Green Oasis”, një shteg kopshti në formë spirale që ndodhet pranë pajisjeve të stërvitjes, stolave dhe tavolinave nëpër katër katet e florës tropikale.
Në katin e fundit të ndërtesës, vizitorët mund të shëtisin nëpër një fermë 4500 metra katrorë në çati që furnizon me fruta, perime, barishte dhe lule të ngrënshme tri restorante në vend. Ndërtesa 51-katëshe ka mbi 80 000 pemë dhe bimë në një sipërfaqe prej 90 000 metrash katrorë. Shumica e specieve bimore janë autoktone të Singaporit dhe janë përshtatur me nxehtësinë dhe lagështinë gjatë gjithë vitit.
Me 280 metra, CapitaSpring është tani një nga rrokaqiejt më të lartë të qytet-shtetit aziatik. Ndërtesa është në pronësi private të gjigantëve të pasurive të paluajtshme CapitaLand dhe Mitsubishi Estate, me bankën e investimeve J.P. Morgan midis qiramarrësve të saj të korporatave. Arkitektët e përshkruajnë CapitaSpring, e cila u hap në vitin 2018, si “biofilike”, një term gjithnjë e më popullor që përshkruan integrimin e natyrës dhe dizajnit.
Rikujtojmë se një firmë arkitekturore ka propozuar një projekt interesant. Është fjala për një pikë referimi të gjelbër që shërben si një “metropol i vazhdueshëm” rreth Burj Khalifa. I quajtur “Rrethi i Qendrës së qytetit”, projekti përbëhet nga dy unaza të ndërlidhura që do të strehojnë hapësira rezidenciale, publike, tregtare dhe kulturore. Struktura do të mbështillet rreth ndërtesës më të lartë në botë, rrokaqiellit Skidmore, Owings dhe Merrill Burj Khalifa në qendër të Dubait
