Bota

Përmbytjet në Kentaki, kërkimet për viktima mund të zgjasin me javë

Guvernatori i Kentakit Andy Beshear tha të shtunën se mund të nevojiten disa javë për të gjetur të tjerë viktima të mundshëm të përmbytjeve të rrëmbyeshme që goditën rajonin e Apalaçias.

Deri tani numri i të vdekurve ka rritur në 25 vetë. Zoti Beshear paralajmëroi se numri i të vdekurve mund të rritet edhe më shumë.

Autoritetet njoftuan për sasi edhe më të mëdha shiu në ditën në vazhdim.

Ekipe shpëtimi janë angazhuar në zonat e goditura rëndë nga përmbytjet, disa prej tyre ndër më të varfrat në Shtetet e Bashkuara.

Këto janë përmbytjet më të mëdha që kanë goditur disa pjesë të SHBA-ve këtë sezon veror, përfshirë qytetin Seint Luis në shtetin e Mizurit në fillim të kësaj jave e sërish ditën e premte.

Shkencëtarët thonë se ndryshimet klimatike po i bëjnë katastrofat e shkaktuara nga moti më të zakonshme.

 

Një stuhi e fortë ka goditur edhe qytetin më të famshëm të argëtimit në botë, Las Vegas në SHBA. Për pasojë u përmbytën edhe kazinotë e qytetit. Sipas informacioneve të “wall Street Journal”, “qyteti i mëkatit” nuk ka mbetur i paprekur nga kushtet e vështira atmosferike që kanë prekur rajonin më të gjerë.

Hotelet dhe kazinotë përgjatë Bulevardit Jugor të Las Vegas, i njohur si The Strip, u prekën nga shirat dhe përmbytjet. Nga pamjet shihet se uji pikonte nga tavani në Planet Hollywood Las Vegas Resort & Casino, si dhe Sportsbook në Circa Resort & Casino.