Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Design

Përtej imagjinatës, 10 shatërvanë shumë të çuditshëm! Për të mos u humbur i Çekisë!

TAP FOUNTAIN, Minorca – Një shatërvan spektakolar e zbavitës: Tap Fountain sjell një rubinet të kuq gjigant, që duket sikur qëndron pezull në ajër. Gjendet në Minorca të Spanjës, në lagjet romantike të Santa Galdanas. Të gjithë pyesin: si qëndron pezull?

Shatërvani valëzues, Dubai – Aty ku gjithçka është befasuese, shatërvanët nuk bëjnë përjashtim. Dubai Fountain gjendet në këmbët e kullës më të lartë të botës, Burj Khalifa, është 300 metra i lartë dhe ujin e hedh deri në 15 metra lartësi. Nën tingujt e muzikës, çdo orë krijon një spektakël lojërash uji.

 

Ujëvara, Dubai, Emiratet e Bashkuara Arabe – Nuk largohemi nga Dubai, vetëm zhvendosemi në brendësi të superqendrës tregtare Dubai Mall, ku na pret një tjetër shatërvan mahnitës, me emrin Ujëvara: statujat e tij duken në rënie të lirë.

Shatërvani përkujtimor i El Alamein, Sidnei, Australi – Gjendet në lagjen Kings Cross dhe daton vitin 1961. Vepra e arkitektit Robert Woodward nderon kujtimin e të rënëve në betejën e El Alamein-it të vitit 1942 në Egjipt, gjatë Luftës së Dytë Botërore.

 

Shatërvani i BANPO BRIDGE, Seul, Kore e Jugut– Një sistem kompleks lojërash uji, pjesë e Banpo Bridge dhe një vepër e vërtetë arti. Ujërat e tij ndriçohen nga ngjyra të ndryshme.

 

PISSING MEN, Pragë, Republika Çeke – Një shatërvan që bie në sy. Dy burra gati për të… urinuar. Vepra e skulptorit David Cerny, gjendet jashtë Muzeut Kafka, në lagjen Malá Strana.

 

Shatërvani i gjoksit të një gruaje në Treviso, Itali – U ndërtua në vitin 1559, me urdhër të Alvise Da Pontes. Në ato kohëra, kur festohej aty rridhte verë dhe ishte falas. Ndonëse shumë i dëmtuar, shatërvani ende ruhet me fanatizëm.

SWAROVSKI CRYSTAL WORLDS, Insbruk, Austri – Pamjet flasin vetë: një fytyrë e stërmadhe me ujin që del nga goja: kjo është hyrja për në “Sëarovski Crystal Ëorlds” në Insbruk, muzeu i krijuar në vitin 1995, me rastin e festimeve për 100-vjetorin e kompanisë së famshme të kristaleve. Skulptura tregon gjigantin që ruan Dhomat e Mrekullive.

Shatërvani Vaillancourt, San Francisco, SHBA – I krijuar në vitin 1971 nga artisti kanadez Armand Vaillancourt, gjenden në Justin Herman Plaza. Për pamjen moderne, për shumë kohë është konsideruar vepër që ka ngjallur debate e të shumta janë propozimet për të shembur.

FOUNTAIN HILLS, Arizona, Amerikë – Këtu gjendet një prej shatërvanëve më të lartë në botë dhe ujërat e tij arrijnë lartësinë 170 metra. Fountain Hill është edhe emri i qytetit që gjendet aty pranë. Ndonëse ka humbur vendin e tij në librin e rekordeve Guinness, hedhja e ujit mbetet befasuese.