Vlashent Shata gjithmonë e më shumë rrit nivelin e pjekurisë së tij profesionale, vokale dhe atë instrumentale, duke i ndërthurur ato edhe me tekstet e tij të ëmbla. “Me Dasht” është projekti i tij më i ri, ku të gjithë këto veçori bashkohen së bashku dhe formojnë meloditë perfekte të këngës. Urban Band, grupi rock i njohur shqiptar, vijnë si pjesë e listës këtë javë me këngën e sapo publikuar “Në çdo hap”. OFFCHESTRA kanë risjellë hitin e Ardit Gjebreas “Dimëroj” në versionin e tyre dhe padyshim mund të themi se është pritur mjaft mirë nga dëgjuesit.
Gigliola Haverku vjen me “Dy fjalë”, një projekt i radhës, ku këngëtarja shprehet rreth dashurisë dhe lëndimeve që kjo ndjenjë sjell. Ndërkohë, një bashkëpunim i goditur vjen në listën tonë dhe është pikërisht ai midis banorit të “BBV” Lorenc Hasrama dhe Kenzz, titulluar “Te Doja”. Nga ana tjetër, edhe Nonejm dhe ADI kanë bashkuar forcat duke sjellë “NBA”. Retrovizorja vjen si kurrë më parë, me stilin e saj tipik, me këngën në gjuhën angleze titulluar “Singals”.
Ronela Hajati ka rrëmbyer vëmendjen e rrjeteve sociale me publikimin e këngës së saj të fundit “TQR”, ku menjëherë është bërë mjaft virale. “Midnight in Paris” vjen këtë javë nga Gjon’s Tears, një projekt që e sjell artistin në formën e tij karakteristike. Kur bëhet fjalë për një bashkëpunim midis Dafina Zeqirit dhe Cricket, dijeni se fjala hit është emëruesi i tyre i përbashkët. Ashtu cilësohet edhe projekti i tyre më i ri, “Harroj”, dhe bëhet menjëherë pjesë e “Albanian’s Hot Top 30”.
Powered by The Top List © / Top Awards ©