Një lajm i mirë padyshim ky për të gjithë dëgjuesit, e kemi fjalën për rikthimin e Era Istrefit. Gjatë këtyre ditëve ndjekësit e kanë pritur me padurim “Bebe”, projektin që riktheu bukuroshen pas pauzës së saj. Vetëm pak ditë më parë, artistja publikoi surprizën e saj me videoklip dhe tanimë mund të themi me plot gojë se na kishte munguar stili i veçantë i saj.
Ardian Bujupi nga ana tjetër ka publikuar projektin e tij më të ri të titulluar “Tranova”. Një projekt ky që u shoqërua me shumë thashetheme lidhur me një marrëdhënie romantike me modelen në klip, ish-konkurrenten e “Përputhen”, Jasmin Kadriu. Le të themi që ky ishte dhe marketingu perfekt.
Një tjetër rikthim, kësaj rradhe i artiates së talentuar me zërin e veçantë, Luar. Ajo ka bashkuar forcat me Mixey duke sjellë kështu “Ami”. Gjithashtu një hyrje e re është ajo e një grupi vajzash të quajtuar Threex. “Love Me Hate Me” bëri që ato të njihen më gjerësisht dhe të hyjnë dhe në listën e këngëve më të mira shqiptare.
Powered by The Top List © / Top Awards ©