Në listën e hiteve më të mira shqiptare të javës, do të njiheni me tetë projekte të reja që janë publikuar së fundmi. Le t’i zbulojmë ato…
Duket se kjo javë ka sjellë në fokus dy albume muzikore. Nga njëra anë kemi Mc Kresha dhe Lyrical Son që kanë nxjerrë në treg albumin e titulluar “Muzikë e Alltisë”, nga ku kemi përzgjedhur katër këngë. Ato janë “Hotel Mahalla”, “Paret lejla”, “Rammstein”, si dhe bashkëpunimin me Elvana Gjata “Stuhi mbi oqean”. Nga ana tjetër kemi Jonisën dhe albumin e saj “Ego”. Jonisa ka publikuar këngën me të njëjtin titull, së bashku me videoklip.
Pas suksesit të “Zemër përmbi zemër”, Alban Skënderaj ka ardhur me një projekt solo. Kënga e re titullohet “Spektatore” dhe pritet që të jetë shumë e preferuar për publikun, ashtu si çdo këngë e sjellë nga ai. Stine vërtet që nuk ka të ndalur. Vetëm një javë pasi solli “Xhemile”, Stine ka ardhur në listë me një tjetër bashkëpunim, “Adrenalina ime”, këtë herë me Mr. X.
Gjithashtu Sheila Haxhiraj, pas pjesëmarrjes së saj në “Big Brother VIP”, ka vendosur që të rikthehet fuqishëm me projekte të reja muzikore. “Më e mira” titullohet kënga e saj e re, që duhet thënë se e ‘shkundi’ paksa publikun duke na bërë të gjithëve të mendojmë se mes saj dhe Kledit, ish-banorit tjetër dhe protagonistit në klip, që mund të ketë diçka mes tyre.
Powered by The Top List © / Top Awards ©