Në listën e hiteve më të mira shqiptare të javës, ashtu si dhe javën e kaluar do të njiheni sërish me tetë projekte të reja që janë publikuar së fundmi. Si fillim me rikthimin e grupit 2 Farm, tashmë kemi të publikuar këngën e tyre më të fundit të titulluar “Hero”.
Pas bashkëpunimit me Arilena Arën, Gjon’s Tears na ka mahnitur totalisht me projektin e tij të fundit. Artisti i talentuar ka lançuar “Silhouette” dhe si gjithmonë zëri i tij ka arritur që të rrënqeth sërish. Dafina Zeqiri vazhdon që të publikojë projekte të njëpasnjëshme dhe këtë herë është rradha e bashkëpunimit të saj me Majk, “Më fal”.
Gent Disha dhe Ketjona Pecnikaj, dy nga aktorët kryesorë të serialit të njohur “Snob”, kanë bashkëpunuar gjithashtu në një projekt muzikor të frymëzuar pikërisht nga personazhet që vetë ata luajnë. Pas një periudhe disi të gjatë pauze, Enxhi Nasufi ka sjellë “Lullaby” dhe nga çfarë ka paralajmëruar, projekte të tjera presin që të publikohen nga ajo.
Një tjetër këngë që i bashkohet kësaj jave hiteve më të mira shqiptare është “Akull” nga Anxhelo Koci. Nga ana tjetër kemi Elgit Dodën dhe Romeo Veshaj me “Piloti”, një këngë kjo e nisur si një lojë ‘funny’ por që publiku e pëlqeu shumë. XEX, Robb Daddy dhe Nonejm, janë tre emra të rinj në këtë listë, por që na kanë sjellë këngë kaq ritmike, “Sonte Funky”.
Powered by The Top List © / Top Awards ©
