Në listën e hiteve më të mira shqiptare të kësaj jave, do të njiheni me katër projektet më të fundit që do të kthehen shumë shpejt të hite të padiskutueshme. Zbulojini se për cilat po flasim…
Fillimisht, kemi të bëjmë me një bashkëpunim të fuqishëm, një projekt ‘perlë’ siç e quajtën edhe ata vetë. Po flasim këtu për Mozzik dhe Elvana Gjata me bashkëpunimin e tyre “Ska”, që ishte fiks ajo që fansat kishin pritur.
Dafina Zeqiri dhe Dj Geek kanë publikuar më në fund vidoklipin e “Tduh-duh”. Një këngë që mund ta keni dëgjuar dhe në albumin e Dafinës, por që tani është finalizuar plotësisht dhe dyshja nuk ka gabuar me ‘dhuratën’ që i kanë bërë fansave.
Capital T gjithashtu vazhdon që të publikojë projekte të pëlqyeshme nga të gjithë dëgjuesit. Teksa po punonte fort me albumin e tij “Heartbroken Kids”, Kapo na ka dhuruar një tjetër hit. Është fjala për “Përjetësisht”, që diti si të na emocionojë edhe këtë herë.
Nga ana tjetër kemi një rikthim pas disa javësh të Rinës. Artistja ka publikuar projektin e saj më të fundit të titulluar “Sativa”.
Powered by The Top List © / Top Awards ©