Gati tre muaj pas suksesit të “Lamtumirë”, Tiri Gjoci sjell projektin e tij të ri. “A ma thu” mban titullin kënga e tij e fundit, e cila vjen me tekst dhe regji të Neda Ballukut. Cili nga këto dy projekte do të rezultojë më i preferuar tek publiku?
Një nga çiftet më të pëlqyer nga publiku janë dhe Rina Balaj e Sin Boy. Edhe pse artistja deklaroi se ishte një këngë që nuk do ta publikonte kurrë, duket se ka ndërruar mendje shumë shpejt, ndoshta dhe nga kërkesat e shumta të fansave. Thënë kjo, dyshja ka publikuar “Si ti”, një këngë që të mbetet gjatë në mendje.
Dy nga artistët më të dashur për ne janë bërë sërish bashkë. “Një natë” nga Capital T dhe Alban Skënderaj do të jetë ‘himni’ i kësaj vere. Nga ana tjetër, sikur të mos mjaftonin temperaturat e larta ditët e fundit, Diona Fona është aty për t’i ndezur edhe më shumë me “Mama”.
Powered by The Top List © / Top Awards ©