Noizy vjen këtë herë me një super bashkëpunim ndërkombëtar, duke bashkuar forcat me Russ Millions, Rondodasosa dhe Capo Piaza. Ata kanë sjellë një projekt të titulluar “Dancer”, mjaft energjik dhe me potencial për të qëndruar gjatë në listat ndërkombëtare. Ky nuk është bashkëpunimi i parë europian për Noizy-n, pasi artisti shpesh herë na suprizon me krijime, duke i sjellë ato me artistë mjaft të njohur.
Eda është një artiste e re, e cila ka sjellë projektin e saj “Një jetë”. Kjo është kënga e saj e parë, por nuk është hera e parë që e shohim artisten në industrinë muzikore. Ajo shumë herë ka bërë “covers” të këngëve të ndryshme dhe ka qenë mjaft e suksesshme në rrjetet sociale, sidomos në platformën e kanalit të saj në YouTube.
Vserlo është një tjetër artist që i bashkohet listës sonë gjatë kësaj jave, i cili vjen me projektin e tij “Hurricane”. Këngëtari ka zgjedhur të këndojë në gjuhën angleze dhe është pritur shumë mirë nga dëgjuesit dhe ndjekësit e tij. Teksti dhe linja melodike është krijuar nga ai vetë. Një hyrje tjetër në “Albanian’s Hot Top 30” është edhe artisti Blleki me projektin e tij “Shkoj”. Kjo këngë e tij ka aritur të bëhet mjaft virale në rrjet që në javën e parë të publikimit.