Një javë e re me plot hyrje të reja. Këtë herë do të njihemi me tetë projekte të reja dhe disa emra të rinj në këtë listë.
Si fillim Sheila Haxhiraj na prezanton me një këngë të re mjaft interesante të titulluar “Makalina”. Hjithashtu dhe Dren Abazi di si të sjellë projekte që të prekin thellësisht. I tillë është dhe ky i fundit, “Nuk të harroj”. Një projekt që jemi 100% të sigurtë që e adhuroni të gjithë, pavarësisht çfarë stili muzikor preferoni apo çfarë moshe keni, është “Krahët e tua do jem” nga West Side Family… Çfarë nostalgjie…
Xhensila Myrtezaj ka ardhur me një stil shumë ndryshe nga sa jemi mësuar ta shohim në “Ale Ale”. Pak por e sigurtë është që krijoi mjaft zhurmë, për mirë apo për keq po ua lëmë juve ta gjykoni këtë…
Pas një periudhe të gjatë, grupi Sytë rikthehet me një këngë të re, “Where Did The Love Go”. Ndërkohë gjatë javës do të njihemi më shumë me disa artistë të rinj dhe shumë të talentuar. Louis X, Arli dhe Najra Qato në “Street Spirit”, Lui$a me “Limelight: Into the Cyber Space” dhe Ya Nina me “Nesër”.