Kryefjala e ditëve të fundit ka qenë padyhim Flori Mumajesi. Deklaratat e tij të fundit kanë bërë xhiron e rrjetit këto ditë. Artisti para pak ditësh publikoi disa video në Instagramin e tij ku i drejtohej fansave se ka fshirë disa prej këngëve të tij më të njohura nga platforma YouTube.
Megjithatë, një ditë pas gjithë kësaj situate, Flori vjen me të tjera deklarata ku shprehet se këngët e fshira tani janë rikthyer sërish. E sikur të mos mjaftonte gjithë kjo ‘zhurmë’, Flori sigurohet që të hedhë ‘bombën’ e fundit. Artisti ka publikuar këngën e tij më të re me titullin “Mbaroj për ty”. Me këtë projekt ai shënoi kështu dhe rikthimin e tij në muzikë pas një periudhe të gjatë.
Pak pasi publikoi projektin e saj, dy këngë në një të vetme, Ya Nina sjell prurjen e re. “Merri” mban titullin kënga më e re e saj, në të cilën e shohim me tone pak më të buta dhe melankolike. Albora nga ana tjetër është një emër i ri që i bashkohet playlist-ës, por një artiste shumë e talentuar. Për të mbyllur hyrjet e reja këtë javë në “Albanian’s Hot Top 30”, kemi reperin Elai me “Truni terr”, një projekt i paralajmëruar prej kohësh dhe që më në fund u publikua.
Powered by The Top List © / Top Awards ©