Paralajmërojmë një tjetër javë me përzgjedhjen më të mirë muzikore për sa i përket playlist-ës së 30 këngëve më të mira shqiptare. Plot tetë këngë të reja që sjellim vetëm për kënaqësinë tuaj. Një nga këngët më të pëlqyera nga publiku që në momentin kur u paralajmërua, ishte pikërisht bashkëpunimi i Capital T dhe Elvana Gjatës, “Flakë”.
Nga ana tjetër kemi sërish producentin dhe këngëtarin Alandy, i cili tashmë po provon fatin solo me një tjetër hit pas “Sorry” që erdhi së bashku me Young Zerka. Një tjetër projekt premtues për këtë javë është dhe ai i Bardhit me Ledri Vulan, i titulluar “Copë copë”, që edhe pse nuk na e kishte marrë mendja që do i shihnim bashkë, goditën në shenjë.
Pas “Pistole”, Diona Fona tashmë ka ardhur me një këngë tjetër, kësaj here me ritme më të buta dhe romantike, “A jena”. Nga ana tjetër, pas shumë polemikash lidhur me Festivalin e Këngës pasi kënga e tij nuk u pranua, Mentor Haziri së fundmi publikoi “Qëndro”, që hyri menjëherë në klasifikimin e 100 këngëve më të mira shqiptare në “The Top List”, si dhe në “Albanian’s Hot Top 30”.
Powered by The Top List © / Top Awards ©