Teksa lamë pas një javë të ngarkuar me plot shtatë hyrje të reja në listën e 30 këngëve më të mira shqiptare, kjo javë duket të jetë disi më e qetë. Por ta saktësojmë, për nga sasia, jo nga cilësia.
Kjo javë vë në fokus tre projekte të reja. Është fjala për një bashkëpunim të pagabueshëm, Cricket dhe MUMA kanë sjellë këngën e tyre më të re të titulluar “Thema”. “Thema” është publikuar vetëm pak ditë më parë dhe është pritur shumë mirë nga publiku. Tashmë e kemi mësuar që çdo projekt i tyre kthehet në hit.
Nga ana tjetër kemi “Bomaye”, një projekt i sjellë nga Nitsu dhe ALBU, dy artistë që hyjnë për herë të parë në listën e këngëve më të mira shqiptare. Një këngë kjo disi më ndryshe dhe shumë e guximshme. Redon Berani gjithashtu ka publikuar “Louis Vuitton. Si do të priten këto prurje të reja?!
Zbuloni më shumë duke dëgjuar Albanian’s Hot Top 30 dhe duke shijuar artistët tuaj të preferuar shqiptarë.
Powered by The Top List © / Top Awards ©
