Yll Limani është ndër ata artistë që me zërin dhe këngët e tij aq të veçanta ka arritur që përherë të përçojë tek publiku emocion. Pak ditë më parë, artisti ndau me ne një projekt shumë të ndjerë me një tekst që i dedikohet zemrave të thyera. “Malet” quhet surpriza më e fundit e Yllit për ndjekësit e tij që duket se është pritur mjaft mirë nga këta të fundit.
Një tjetër artiste mjaft e dashur për publikun, është dhe Kida. Të gjithë i presin me padurim projektet e saj muzikore. Së fundmi ajo ka publikuar këngën e saj më të re me titull “Ma lujte”.
Nëse ju kishte marrë malli për Gjon’s Tears që kur perfomoi në “A Live Night”, pritjes i erdhi tanimë fundi. Artisti mjaft i talentuar na ka prekur edhe njëherë me zërin e tij unik në projektin e ri “Pure”. Gjithashtu një bashkëpunim i shtohet listës së kësaj jave. Pas një bashkëpunimi shumë të suksesshëm verës që shkoi, Majk ka bashkuar sërish forcat me Bardhin në “Përgjithmonë”.
Powered by The Top List © / Top Awards ©