Është publikuar kënga “Ma Bella” nga artistja shqiptare, Dafina Zeqiri, në bashkëpunim me dy artistët e huaj, GIMS dhe Accaoui. Projekti “Ma Bella” nga Dafina, është në mesin e projekteve të shumta që solli këto muajt e fundit. Kënga e publikuar nga tre artistët vjen në tre gjuhë: në shqip, frëngjisht si dhe në gjuhën gjermane. Projekti erdhi i realizuar po ashtu edhe në aspektin vizual, me një videoklip të një aspekti të veçantë, aty ku bashkë-dyzohen periudha e vjetër dhe moderne.
Blerta Kosova është këngëtare, multi-instrumentiste, kantautore dhe producente nga Mitrovica, Kosova. Me muzikë filloi të merret që në moshën 12-vjeçare si pjesëtare e grupeve “rock” te “Mitrovica Rock School”. Projekti i saj i ri, “Ride Thru Summer”, vjen këtë javë në renditjen e Albanian’s Hot Top 30. Nga ana tjetër edhe Sonia Vokopola, një artiste e re në tregun muzikor shqiptar, ka publikuar këngën e saj me titull “Ti Je” disa muaj më parë, por që dashamirësit e kanë mbështetur shumë dhe e kanë bërë pjesë të listës.
Powered by The Top List © / Top Awards
