Teksa po ambientohemi pak nga pak me vitin e ri në të cilin kemi hyrë, jemi të sigurtë që tingujt e muzikës së mirë do ta bëjnë akoma dhe më të bukur fillimin e javës. Po ju paralajmërojmë, një javë ‘e zënë’ ju pret, por për mirë ama…
Hitet italiane vazhdojnë që të zënë një vend të veçantë në këtë listë. Këtë herë do të kemi në vëmendje Franco126 me “Fuoriprogramma” dhe Marco Mengoni & Madame, i cili pas suksesit me “Ma stasera” dhe “Cambia un uomo”, premton një tjetër hit, “Mi Fiderò”.
Maroon 5 do të na njohin me “Lovesick” dhe nga ana tjetër James Morrison vazhdon të na thyejë zemrat me këngë dashurie siç vetëm ai di të bëjë me “Don’t Mess With Love”. Ed Sheeran ka ardhur me një bashkëpunim me Fireboy DML, “Peru”, që mund të premtojë shumë.
Por kryefjala e javës është artisti që po korr suksese marramendëse aq më tepër ditët e fundit, The Weeknd. Kudo po flitet vetëm për të dhe për “Sacrifice”…
