Këngëtarja e famshme Miley Cyrus ka publikuar më datë 13 janar albumin e saj më të fundit. Fansat mezi e kanë pritur këtë rikthim të saj, por kanë mbetur mjaft të suprizuar pasi ajo e ka publikuar atë pikërisht në ditëlindjen e ish-bashkëshortit të saj Liam Hemsworth. Me këngën e saj më të re “Flowers”, ajo bëhet pjesë e The Playlist këtë javë. Projektet e reja priten të jenë pjesë edhe e listave ndërkombëtare në vazhdim.
Shakira ka lëshuar bombën e radhës duke publikuar këngën e saj më të re në bashkëpunim me BZRP. Ata kryesuan shumë shpejt çdo listë pasi projekti i tyre u prit mjaft mirë. Kritikët mendojnë se ka qenë dedikim ndaj ish-bashkëshortit të saj Pique, të dashurës së tij të re dhe mamasë së tij. Ajo ka shfaqur karakterin e saj të fuqishëm duke thënë se tipa si ai nuk janë për të.
Hiti “Escapism” ka ardhur nga bashkëpunimi midis këngëtareve të famshme Raye dhe 070 Shake. Ato janë mjaft të njohura për dëgjuesit dhe padyshim një projekt mes tyre do të ishte mjaft i suksesshëm. Projekti ka pak muaj që është publikuar, por vazhdon të jetë mjaft viral në platforma të ndryshme sociale. Fansa të shumtë e kanë bashkëngjitur atë tek videoklipet e tyre, duke krijuar gjithashtu edhe koreografi për këtë këngë. Bashkëpunimi ka arritur një nivel mjaft të lartë shikueshmërie.