Çfarë të presim nga playlist-a e hiteve më të mira ndërkombëtare këtë javë? Si fillim po ju prezantojmë me bashkëpunimin e Ariana Grande dhe Kid Cudi, të titulluar “Just Look Up”. Kjo këngë është kolonazanore e filmit hit të Netflix kohët e fundit, “Don’t Look Up”.
Emeli Sandé na ngroh pak shpirtin në këto ditë kaq të ftohta me “Brighter Days”. Nga ana tjetër kemi një artist po shumë të dashur për të gjithë. Po flasim për Charlie Puth dhe këngën e tij “Light Switch”. The Weeknd na ka njohur me një tjetër hit të ri të tij, “Gasoline” dhe tashmë e kemi mësuar që jo vetëm 2021, por edhe viti në të cilin ndodhemi do t’i përkasë vetëm atij. Të paktën kështu mendojmë deri tani.
Përsëri një projekt nga Years & Years, që duket se çdo javë është i pranishëm në këtë listë. Nga ana tjetër pas polemikave të shkaktuara të rrjet për komentet e tij homofobike, tashmë DaBaby duket se po rikuperohet dhe e ka lënë pas këtë ndodhi. Christina Aguilera në bashkëpunim me Ozuna kanë sjellë “Santo” dhe sa mirë që tingëllon artistja teksa këndon në spanjisht…