A jeni gati për pak frymë ‘tropikale’? Epo, si mund të përgjigjeni ndryshe përveç se ‘po’?! Me këto temperatura ektremisht të larta që po hasim ditët e fundit, vetëm disa tinguj veror do të mund të na ‘freskonin’. Thënë kjo, ju prezantojmë me “Tropicana” nga Boomdabash dhe Annalisa…
Një bashkëpunim që do të ngrejë mjaftueshëm temperaturat është ai i Black Eyed Peas, Shakira dhe David Guetta. Tashmë e dimë me siguri të plotë që secili prej tyre krijon vetëm hite, por kur bëhen bashkë… Nuk po flasim më shumë dhe po ju lëmë që të shijoni “Don’t you worry”.
John Legend ka vendosur që kohët e fundit të vijë vetëm me bashkëpunime dhe mirë e bën fundja. Këtë herë ai ka ardhur me Muni Long për të sjellë “Honey”. Personalisht ne na ka pëlqyer më shumë me projektet e tij solo që nuk përsëriten më, por ju gjykojeni vetë.
E kush ka thënë që të huajt nuk na kopjojnë ne fare?! Sam Fischer na prezanton me “All My Loving”… Ku e kemi dëgjuar më parë këtë titull vallë?!