Ukraina është shpallur fituese e “Eurovizion Song Contest 2022” me Kalush Orchestra që i siguroi vendin e parë. Tashmë është publikuar dhe videoja zyrtare e “Stefania”. Kënga e grupit, “Stefania”, u shkrua si një homazh për nënën e këngëtarit, por është shndërruar që nga pushtimi rus më 24 shkurt në një himn lufte.
Pasi krijoi zhurmën e duhur me këngën “Dua Lipa” ku shprehu hapur pëlqimin që kishte për këngëtaren, Jack Harlow vjen me një tjetër projekt. Këtë herë ai ka bashkuar forcat me reperin e njohur Drake për të sjellë “Churchill Downs”.
Direkt nga “Amici” vjen Luigi Strangis, artisti i ri më premtues që sjell “Tienemi Stanotte”. Harry Styles na dhuron një tjetër perlë, por që për mendimin tonë nuk ia kalon “As It Was”. Megjithatë “Late Night Talking” siguron të shndërrohet në hitin e rradhës. Zbuloni të gjitha këngët që do t’ju shoqërojnë gjatë kësaj jave…