The Playlist, Week of November 15th

Teksa një javë e re po fillon, ne po sigurohemi që ajo të nisë mbarë. Dhe si ndodh kjo? Sigurisht që nën tingujt e muzikës më të mirë të përzgjedhur nga Top Albania Radio.

Kjo javë sjell vëmendjen tek projektet më të fundit të sapopublikuara, i tillë siç është dhe bashkëpunimi më i fundit i Rosalia dhe The Weeknd, i titulluar “La fama”. Madje The Weeknd, përveç se këtij projekti, zë një tjetër vend në këtë listë me një tjetër bashkëpunim, ai me Post Malone. John Legend mund të konsiderohet pa frikë si këngëtari më i mirë romantik dhe këtë na e vërtetoi edhe njëherë me projektin e tij më të ri, “You Deserve It All”.

Gjithashtu, një nga krijimet e OneRepublic, “Sunshine” ka arritur që të korrë një sukses të madh që në çastin e parë të publikimit të tij. Këngëtari i njohur Maluma është rikthyer sërish në këtë listë, kësaj here me një bashkëpunim me Rayvanny, të titulluar “Mama Tetema”. Një tjetër hit nga Drake që premton të kthehet në hit, është edhe bashkëpunimi me 21 Savage dhe Project Pat. Këto e më shumë të tjera mund t’i zbuloni në The Playlist, hitet më të mira të momentit.