The Playlist, Week of November 8th

Në “The Playlist”, ashtu si çdo javë do të njiheni me hitet më të reja të sapopublikuara të artistëve më në zë ndërkombëtarë. Këtë nëntor, pavarësisht demoralizimit që mund të jeni duke përjetuar si fillim jave dhe me ngarkesë, ne në Top Albania Radio dimë se si t’ju qetësojmë me përzgjedhjen më të mirë muzikore vetëm për kënaqësinë tuaj.

OneRepublic, një nga grupet më të dashura vjen me “Someday”, të publikuar pak muaj më parë. Duket se Bruno Mars dhe Anderson .Paak, Silk Sonic pas “Leave The Door Open”, që rezultoi një sukses i madh, kanë ardhur me një tjetër projekt që parashikohet të jetë një hit dhe madje që është lançuar vetëm disa ditë më parë.

Pas “All I Want For Christmas”, hitin e padiskutueshëm që na shoqëron çdo vit në festat e fundvitit nga Mariah Carey, këngëtarja ka publikuar një tjetër ‘himn’ Krishtlindjesh. Por sa do të arrijë që ta zëvendësojë paraardhësin e tij? Ndërkohë dhe këngëtarja e njohur me origjinë shqiptare, Ava Max ka sjellë bashkëpunimin e saj më të ri me Dj Tiësto, “The Moto”.

Në këtë listë nuk kishte si të mungonte dhe James Arthur, i cili sa vjen e po bëhet më i suksesshëm me projektet e tij të fundit të njëpasnjëshme. Nga ana tjetër Ed Sheeran ka sjellë “Overpass graffiti”, pjesë e albumit të tij më të ri dhe të shumëpritur nga fansat “=”.